Fatmir Limani: Vazhdon manifestimi i Ditës së Alfabetit në Kërçovë

Sot, Qendra e Kulturës “Koço Racin” u bë skenë e një feste të veçantë të gjuhës dhe kulturës sonë. Me kënaqësi ndoqa programin e nxënësve të shkollave fillore të Kërçovës, të cilët paraqitën një program të pasur kulturor, ku këngët, vallet, poezitë dhe shfaqjet artistike treguan talentin dhe dashurinë e tyre për gjuhën shqipe.

Ky aktivitet është një përkujtim se gjuha jonë është trashëgimi, identitet dhe lidhje e gjallë mes brezave. Përmes këtyre shfaqjeve, nxënësit shprehin jo vetëm kreativitetin e tyre, por edhe krenarinë për të qenë pjesë e një tradite të gjallë që na bashkon të gjithë.

Faleminderit nxënësve, arsimtarëve dhe organizatorëve për angazhimin dhe energjinë e dhënë.
Të vazhdojmë të ruajmë, promovojmë dhe festojmë gjuhën tonë çdo ditë!

/ms