Kujtim Kasami, drejtori i shkollës “Milto Gurra” dhe këshilltar komunal, uron Ditën Botërore të Fëmijëve

Në fakt çdo ditë është e tyre!
Dita Botërore e Fëmijëve
Sot, më 20 nëntor, shënohet Dita Botërore e Fëmijëve, një ditë që na kujton rëndësinë e respektimit, mbrojtjes dhe promovimit të të drejtave të fëmijëve kudo në botë. Kjo ditë shërben si thirrje për veprim ndaj të gjithë neve – institucioneve, shoqërisë civile dhe individëve, për të garantuar mirëqenien, edukimin dhe të ardhmen e sigurt për secilin fëmijë.

Në botë, për fat të keq, dhuna dhe diskriminimi ndaj fëmijëve vazhdojnë të jenë realitet i hidhur.
Apeli, në këtë ditë dhe çdo ditë tjetër, është për mbështetje dhe veprim të menjëhershëm për të siguruar një ambient ku çdo fëmijë mund të rritet i lirë pa dhunë, pa frikë dhe pa diskriminim.

E drejta për arsim cilësor, shëndetësi dhe jetë dinjitoze është e patjetërsueshme për secilin fëmijë.
Le të angazhohemi së bashku për t’u ofruar fëmijëve tanë një të ardhme më të ndritur dhe një shoqëri që i mbron dhe i respekton të drejtat e tyre, sepse çdo ditë, duhet të jetë ditë e mirë për ta.
Me respekt,
Kujtim Kasami

/tvgurra