Ajhan Sulkoski zgjedhja më e duhur për një qytet multi kulti si që është Kërçova

Kohët e fundit shumë po flasin, por pak kush po thotë të vërtetën.
Disa duan ta paraqesin Fatmir Beqir Limanin si tradhtar të komunitetit shqiptar, vetëm pse Kryetar i Këshillit Komunal u zgjodh Ajhan Sulkoski nga komuniteti turk.
Por e vërteta është krejt ndryshe.

Nëse sot Kërçova nuk ka Kryetar shqiptar komune, faji nuk është te Fatmir Limani, por te ata që në rundin e parë nuk e votuan drejt — tre kandidatë shqiptarë, tre fronte të ndara, dhe në fund humbja e sigurt.

Shqiptarët e ndershëm të Kërçovës e dinë mirë kush e përçau votën: BDI, me mashtrimet, me keqpërdorimet, me njerëzit që kanë shfrytëzuar pushtetin për interesa personale.
Mos harrojmë — i kemi dëgjuar përgjuarjet, kemi parë abuzimet, dhe populli nuk është më i verbër.

Prandaj, kur vjen puna te Këshilli, Fatmir Limani nuk ka tradhtuar askënd.
Ai ka bërë veprimin më të mençur politikisht: ka hapur dyert e bashkëpunimit me komunitetin turk — një bashkëpunim që sjell stabilitet, barazi dhe forcim të përfaqësimit shqiptar në të ardhmen.

Sepse vetëm me aleatë të vërtetë, jo me hipokrizi, pas katër viteve Kërçova do të fitohet sigurt nga shqiptarët.
Dhe në atë fitore, do të kenë pjesë edhe vëllezërit tanë turq, që ndihen pjesë e kësaj toke dhe këtij qyteti.

/rethkercoves