Minstri Fatmir Limani me urim për këshilltaët e spozgjedhur në Kërçovë

Ju shpreh urimet më të përzemërta dhe dëshirën më të sinqertë për punë të mbarë dhe vendime të mençura.
Sot, mbi supe ju është vendosur një përgjegjësi e madhe, ajo për të udhëhequr me drejtësi, urtësi dhe dashuri ndaj çdo qytetari të Kërçovës, pa dallim feje, kombësie apo bindjeje.

Kërçova është qyteti ynë i përbashkët, ku në harmoni jetojnë shqiptarë, maqedonas, turq, boshnjakë, romë dhe të tjerë, një mozaik vlerash që e bën qytetin tonë të veçantë.
Kjo shumëllojshmëri është forca më e madhe që kemi dhe duhet ruajtur me mençuri, sepse aty qëndron shpirti i vërtetë i Kërçovës.

Urime të veçanta i drejtoj kryesuesit të sapozgjedhur të Këshillit Komunal, z. Ajhan Sulkovski. I cili, në këtë detyrë me peshë, mban në duar jo vetëm drejtimin e Këshillit, por edhe besimin e qytetarëve për një udhëheqje që bashkon, që frymëzon dhe që ngre mbi gjithçka interesin e përbashkët të Kërçovës.

Ju uroj forcë, vendosmëri dhe mençuri për ta përfaqësuar me dinjitet këtë rol të rëndësishëm.
Le të jetë ky fillim, një hap i ri drejt bashkëjetesës, zhvillimit dhe krenarisë sonë qytetare.
F. B. L. Shkruan ministri Fatmir Limani në Facebook.

/ms