Lajm i dhimbshëm – Ndërron jetë atdhetari Musa Ferati

<Ka ndërruar jetë Musa Ferati, veprimtar dhe atdhetar i përkushtuar i çështjes kombëtare.
<Lajmin e hidhur e ka bërë të ditur nipi i tij, Flamuri, i cili në mes tjerash ka shkruar:

“Ikja nga kjo botë në përjetësi e Dajës Musa afër Allahut dhe engjëjve që i rrinë pranë dhe e mbrojnë diku lart në lartësi.

U shua një jetë që nuk u nënshtrua nga asnjë pushtues, duke na lënë të pikëlluar familjen, shokët e veprimtarisë për Liri, por krenarë me veprimtarinë e tij atdhetare ndaj Kombit që në vitet e hershme të ’90-ta.

Ai, me shokët e vërtetë të Kombit, u betua rreth flamurit për bërjen e Shqipërisë.
E fitoi luftën, e fitoi flamurin dhe e fitoi nderin ndaj Kombit!

Ishte një atdhetar i sinqertë, i dashur me të gjithë, besimtar i plotë dhe aktivist i shquar i Kombit.

Portretin e heroit të Kombit Adem Jashari e mbante në hyrje të shtëpisë, si simbol të qëndresës dhe besnikërisë ndaj idealit të Lirisë.

Do të na mungojë të gjithëve, sa të jetë jeta.
Shpirti i tij i bardhë është plot dritë.

Pusho në paqe, Dajë.
Lavdi jetës dhe veprës tënde!
Zoti të lartësoft me gradën më të lartë të Parajsës.

/tvgurra