Tv Gurra: Kërçovë: Nxënësit e gjimanzit nuk mbajtën mësim për shkak të mungesës së ngrohjes !

Nxënësit e shkollës së mesme “Drita” dhe të “Mirko Mileskit” në Kërçovë sot paradite nuk zhvilluan mësim, pasi në objektet shkollore mungonte ngrohja.

Sipas nxënësve, në orët e mëngjesit temperatura në qytet ishte shumë e ulët, ndërsa klasat ishin të ftohta dhe të papërshtatshme për mësim.

Sipas informacioneve, problemi nuk pritet të zgjidhet shpejt, pasi sistemi i ngrohjes kërkon ndërhyrje që do të zgjasë në kohë.

Nxënësit dhe prindërit kërkojnë nga institucionet përgjegjëse të gjejnë zgjidhje urgjente, në mënyrë që të mos ndërpritet procesi mësimor në ditët në vijim.

/tvgurra