Mos u mashtroni, vota është e fshehtë dhe askush nuk mund ta dijë.

Në prag të zgjedhjeve po dëgjojmë zëra që thonë se disa e dinë kë ke votuar, se mund ta shohin ose ta zbulojnë. Kjo është një gënjeshtër e qëllimshme për t’ju frikësuar.

Është mënyra më e vjetër për të kontrolluar njerëzit: me frikë. Disa duan të të bëjnë të mendosh se nëse nuk voton për ta, do kesh pasoja në punë, në biznes apo në ndërtim. Por e vërteta është një askush nuk mund ta dijë se kë voton ti.

Kutia e votimit është e mbyllur dhe vota është sekrete me ligj. Çdo presion, kërcënim apo shantazh është shkelje ligjore dhe vrasje e demokracisë. Askush nuk ka të drejtë të të frikësojë.

Mos i lejoni t’ju kushtëzojnë me frikë. Ata që përpiqen ta bëjnë këtë, e dinë se po humbasin përkrahjen e njerëzve të lirë.

Kërçova ka nevojë për qytetarë që votojnë me mendje, jo me frikë.
Vota jote është vetëm e jotja, e lirë, e fshehtë dhe e shenjtë.

/rethuskanes

p