Mos e humbim komunën e Kërçovës ? Shkruan Shkëlqim Spahiu

Në këto zgjedhje nuk duhet ta humbasim Kërçovën,pasi do ta kuptojmë pas 10-15 vitesh që humbja e komunës së Kërçovës ishte një gabim fatal kombëtar për shqiptarët.
Duhet të jemi bashkë dhe vetëm bashkë do t’i ruajmë komunat e kontrolluara nga shqiptarët.

Në frontin e luftës jo të gjithë ushtarët e duan njëri-tjetrin,pasi mund të kenë edhe hatërmbetje mes tyre, por për hir të fitores së përbashkët ushtarët luftojnë krah për krahë kundër armikut ,por dhe vdesin po krah për krahë kundër tij.

Bashkimi i zemrave të shqiptarëve është një nderim kombëtar për çdo shqiptar dhe duhet ta ushqejnë këtë ndjenjë porsi një lule pak nga pak përditë,lëre më pastaj për politikanët shqiptarë, kudo që ndodhen në Ballkan, të cilët e kanë detyrim moral dhe politik për t’u bashkuar përballë furtunave të së ardhmes me të cilat do përballet kombi ynë.

Zgjedhjet në Maqedoni kanë një rëndësi të jashtëzakonshme, pasi nuk bëhet fjalë për fitoren, apo humbjen e një komune,por bëhet fjalë për humbjen e kontrollit të hapësirave politike ,ekonomike, shoqërore,arsimore , shëndetësore,kulturore dhe sportive të shqiptarëve në Maqedoni.

Adnan Azizi,që me frymën e përçarjes do të çojë “përpara ” të drejtat e shqiptarëve në Maqedoni, nuk po bën gjë tjetër, më e pakta që mund të thuhet, po bën një gomarllëk dhe më e shumta një tradhti ndaj interesave kombëtare të shqiptarëve.

Ali Ahmeti ka dhënë shumë për kombin,ka falur shumë vite nga jeta e tij,duke sakrifikuar për lirinë e shqiptarëve për të qenë shqiptarë në ish-Jugosllavi,së bashku me shumë shqiptarë të tjerë, të cilët erdhën nga çdo cep i shqiptarisë në Ballkan për të ndihmuar vëllezërit e tyre në Maqedoni më 2001-shin ,ku ndër ta ishte edhe Komandant Teli(Lefter Koxhaj),i cili vajti nga Skrapari në Maqedoni dhe vdiq në Shkup,që shqiptarët të jetonin të lirë,të bashkuar dhe me dinjitet, por jo të ndarë ,ashtu siç po bën Adnan Azizi!!!

/ms