Tv Gurra: Ramazan Dini – Zëri i rinisë kërçovare në politikë

Ramazan Dini, 25 vjeç, nga fshati Zajaz i Kërçovës, është diplomuar në Fakultetin e Kulturës Fizike të Universitetit të Tetovës, me temën mbi ushqyerjen e sportistëve në stërvitje bazike.

Përveç studimeve, ai është trajnuar në lidership, trashëgimi kulturore, turizëm dhe aktivizëm rinor, duke përfaqësuar rininë e Kërçovës në ngjarje ndërkombëtare, si seminari i Këshillit të Evropës në Andorrë.

Aktualisht, mban pozitën e Këshilltarit për Rini në Ministrinë e Politikave Sociale, ku punon në zhvillimin e politikave dhe projekteve edukative. Pasioni i tij për sportin, trashëgiminë dhe fuqizimin e rinisë e udhëheq në kauzat shoqërore.

Në zgjedhjet vendore 2025, Ramazani kandidon për këshilltar komunal me ekipin e Fatmir Limanit, duke synuar të sjellë energjinë dhe vizionin e brezit të tij në Këshillin e Kërçovës.

/tvgurra