Në Kërçovë arrestohet vetëm një person për mosrespektim të orës policore
Sipas të dhënave statistikore të MPB-së, në 24 orët e fundit, në rajonin e SPB Ohër, njëmbëdhjetë persona nuk e kanë respektuar ndalesën për lëvizje gjatë zbatimit të masave për lëvizje të kufizuar dhe mbrojtjen e qytetarëve nga përhapja e koronavirusit, prej tyre vetëm një person nga Kërçova.
“Ai është arrestuar dhe kundër tij do të parashtrohet kallëzim për “mosrespektim sipas rregullave shëndetësore gjatë epidemisë”. Në periudhën e njëjtë, nuk janë regjistruar prishje të rendit dhe qetësisë publike dhe aksidente rrugore”, informon zëdhënësi Stefan Dimoski.
Ai shtoi se në rajonin e SPB Ohër, për momentin në izolim janë 161 persona, prej të cilëve 18 në Kërçov[, derisa megjithatë në vetizolim, për momentin janë gjithsej 94 persona, tetë prej tyre në Kërçovë.
Njëherit, nëpunësit policorë në mënyrë të pavarur, por edhe në koordinim me Inspektoratin Shtetëror të Tregut, kanë kryer 61 kontrolle në objekte hotelerike dhe të tjera, prej tyre 22 në Kërçovë.
“Në periudhën e njëjtë, nëpunësit policorë kanë konstatuar 126 shkelje për mosmbajtje të maskës mbrojtëse, 18 në Kërçovë”, sqaroi Dimoski.
/almakos
