Më tepër se një çerek shekulli nderim-përkujtimi të ditë-shënimit të përvetësimit të Beqir Limani Baca Beqë. Shkruan Fatmir Limani

Sot, në 27-vjetorin e përjetësimit të Dëshmorit të kombit Beqir Limani – i njohur nga të gjithë si Baca Beqë – u shënua me dinjitet e respekt kujtimi i njërit ndër figurat më të ndritura të qëndresës sonë kombëtare.

Ngjashëm me ditën e fundit të përcjelljes së tij drejt vendprehjes së përjetshme, edhe kësaj here me qindra bashkëluftëtarë, shokë, familjarë e atdhetarë të devotshëm u mblodhën për të nderuar jetën, veprën dhe sakrificën e tij të pavdekshme.

Në një ceremoni të përshkuar nga ndjenja e krenarisë dhe mallëngjimit, fjalimi për jetën dhe kontributin atdhetar të Bacës Beqë u mbajt nga ish i burgosuri politik dhe bashkëveprimtari, z. Rexhep Emini. Ai solli në kujtesë sakrificat, përkushtimin dhe qëndresën e pathyeshme të Beqir Limanit në periudhat më të vështira për çështjen kombëtare.

Në nder të kujtimit të dëshmorit, për një minutë heshtje ftoi bashkëluftëtari Granit Osmani, ndërsa fjalë përshëndetëse mbajti edhe Luan Veliu, vëllai i dëshmorit Naser Veliu, i cili theksoi rëndësinë e përjetësimit të kujtimit të dëshmorëve në ndërgjegjen e brezave që vijnë.

Përvjetori u përmbyll me një fjalim falënderues nga z. Ramazan Dini, i cili në emër të familjes Limani shprehu mirënjohje për pjesëmarrjen dhe respektin që vazhdon t’i kushtohet Bacës Beqë edhe pas kaq vitesh.

/ms