Apel nga Shoqata e Bashkuar Prapadishti në Zvicër

Të nderuar bashkëvendas,
Po ju drejtohemi lidhur me problemin e mungesës së ujit të pijshëm në fshatin tonë. Siç jeni të informuar, për momentin rrjeti i furnizimit me ujë funksionon pa bazën (rezervuarin), dhe uji vjen direkt nga burimi (kaptazha). Për pasojë, presioni nuk është i mjaftueshëm për të furnizuar të gjitha shtëpitë, veçanërisht ato që ndodhen në zona më të larta.

Apelojmë tek të gjithë banorët që të bëjnë shfrytëzim racional të ujit, të mos lënë çezmat hapur kot dhe të evitojnë shpërdorimin. Të tregohemi të gjithë bashkëpunues dhe me mirëkuptim, që të mundësojmë furnizimin e barabartë për të gjithë, në mënyrë që edhe shtëpitë në zonat më të larta të kenë mundësi të furnizohen.

Ju lutemi, tregoni edhe pak durim, me shpresën se shumë shpejt do të rregullohet edhe baza (rezervuari), i cili do të ndihmojë në stabilizimin e situatës me ujin e pijshëm.
Ju falënderojmë për mirëkuptimin dhe bashkëpunimin.
Me respekt,
Bashkësia Vendore e Fshatit Prapadisht

/ms