Manifestimi i Ditëlindjes së Muhamedit a.s. në Xhaminë 4 Halifet në Kërçovë

Sonte, pas namazit të Akshamit, në Xhaminë 4 Halifet, u shënua manifestimi i Ditëlindjes së Muhamedit a.s.
Eventi u hap me leximin e fjalës së Allahut Fuqiplotë nga imami Qemal ef. Mahmudi e më pas, të pranishmive u dëshiroi mirëseardhje imami nikoqir Adi ef. Beshiri.

Fjalën kryesore e kishte Myftiu i Kërçovës Qamil ef. Rushiti, i cili pasi falenderoi imamin dhe këshillin e Xhamisë për mundin dhe organizimin, dha refleksione mbi momentin e ardhjes së Muhamedit a.s në këtë jetë, ardhje e cila ndryshoi rrjedhën e jetës në përgjithësi dhe ardhmërinë e myslimanëve në veçanti.

Më pas, imamët e nderuar Shefik Azizi, Nuran Sulejmanoski dhe Bajram Karamaleski lexuan pjesë nga mevludi në gjuhën shqipe, maqedone dhe turke.

Në fund, u ndanë edhe mirënjohje për Kryetarin e Këshillit të Xhamisë z. Shefki Aliu, për anëtarët paraprak të Këshillit dhe dy Xhematlinjë të moshuar që janë të lidhur fizikisht dhe shpirtërisht me xhaminë.

Allahu i Madhërishëm i shpërbleftë dhe nderoftë!
Shkruajn nga Myftinia e BFI – Kërçovë në facebook

/ms