“Rrënjët tona flasin shqip”, në Swiss Ranch !

Dita e dytë e aktivitetit “Rrënjët tona flasin shqip” që organizohet nën kujdestarin e Komunës së Kërçovës nga Shoqata Dituria, në Suisse Ranch solli një përvojë të veçantë e të ngrohtë për fëmijët e ardhur nga mërgata. T

ë cilët këtë herë u bënë pjesë e një aktiviteti praktik dhe domethënës, atë të gatimit tradicional shqiptar. Në ambientet mikpritëse nga Kastriot Iseni drejtues i Resortit Suisse Ranch, të vegjlit u kthyen në kuzhinierë, duke përgatitur me duart e tyre produkte të ndryshme nga brumi, me shije dhe aromë të njohur për çdo shqiptar.

Ishte kjo një mënyrë kreative dhe edukative për t’i afruar me trashëgiminë kulinare, kulturën dhe zakonet tona, përmes përvojës së drejtpërdrejtë. Momentet e gatimit u kthyen në çaste gëzimi, të shoqëruara më pas me lojra të ndryshëme popullore. Momente kujtimesh të cilat do t’u mbeten gjatë në mendje pjesëmarrësve të vegjël.

Për t’i inkurajuar dhe për të ndarë këtë përjetim të veçantë me ta, fëmijët i vizitoi edhe Kryetari i Komunës së Kërçovës Fatmir Dehari, duke dhënë kështu një mesazh të qartë për rëndësinë e ruajtjes së identitetit kulturor edhe për brezat që rriten larg atdheut.

Ndërkohë, prindërit dhe familjarët e pranishëm shijuan me kënaqësi gatimet e përgatitura nga duart e fëmijëve. Një shije e thjeshtë, por me përmbajtje të thellë emocionale, që i afroi të gjithë edhe më shumë me rrënjët e përbashkëta. Në Suisse Ranch, përmes bukës së ngrohtë dhe buzëqeshjeve të sinqerta, u dëshmua edhe një herë se rrënjët tona flasin shqip, kudo që të jemi!

/tvgurra