U mbajt manifestimi Thesari që na bashkon (VIDEO)
Në oborrin e shkollës së parë shqipe “Gjergj Kastrioti Skënderbeu” në fshatin Sërbicë u mbajt edicioni i tetë i manifestimit “Thesari që na bashkon”.
U përkujtuan me shumë respekt të rënët për Atdhe, mësuesit, krijuesit, piktorët dhe artistët kastriotas të cilët dhanë një kontribut të jashtëzakonshëm në ruajtjen e vlerave dhe identitetit kombëtar!
U përkujtuan udhëheqësit shpirtëror të Pavarësisë së Shqipërisë që pritën Ismail Qemalin në Bukuresht dhe e shoqëruan drejt Vlorës, Mehmedali Ballazhi me shokët e tij, nënat e bijat kastriotase këngëtarët e fshatit, veprimtarët të burgosurit politik e luftëtarët e lirisë që me përkushtim, sakrificë dhe vlera morale kanë lartësuar emrin e fshatit dhe të kastriotëve.
Shumë emocione dhuroi mësuesja Hajrie Zenku e cila edhe në moshë në paraqitjen e saj përloti të pranishmit!
Nën moderimin e shkëlqyer të profesor Bekim Adili njëherit edhe ideator manifestimit fjalë rasti mbajtën Prof. Dr. Sefedin Elezi, Fatmir Dehari, Bexhet Jagodini, Besnik Rameti,
Sadik Emroja, Bexhet Jagodini etj.
Autori Jeton Emroja i cili jeton dhe vepron në Amerikë dhuroi tre botimet e tij në pasurimin bibliotekës së shkollës.
U ndanë mirënjohje për meritorët dhe u shkrua një sofër me gatime tradicionale të kastriotasve!
Sadik Emroja, Sërbicë, Korrik 2O25.
VIDEO:
/tvgurra
