Një gjashtëmbëdhjetë vjeçar nga Kërçova u plagos gjatë një ahengu familjar !

Një gjashtëmbëdhjetë vjeçar nga Strellci i Kërçovës u plagos me armë zjarri gjatë një ahengu familjar, transmeton Portalb.mk.

Lidhur me incidentin, policia e Kërçovës arrestoi dy persona herët në mëngjes rreth orës 2:30 të mëngjesit – F.F. (36) dhe Ç.F. (52), të dy nga Trapçin Dolli i Kërçovës.

Gjatë ahengut familjar, i cili u zhvillua në oborrin e një shtëpie familjare, F.F. qëlloi disa plumba nga një pistoletë, të cilat, pasi u kthyen mbrapsht, plagosën 16-vjeçarin.

Djali u dërgua në Spitalin e Përgjithshëm në Kërçovë.
Ekipet e policisë bënë këqyrjen e vendit të ngjarjes dhe pas dokumentimit të plotë të ngjarjes, do të hartohen raporte përkatëse.

/portalb