Fshatrat e Kërçovës pa ujë ! Reagon Shkodran Alili
Reagim publik ndaj krizës së ujit!
Të nderuar qytetarë,
Në ditën e krizës së fundit me çarjen e gypit të Studençicës, që ka lënë banorët pa ujë dhe ka cenuar rëndë jetën normale në vendbanimet tona, ndjej detyrimin si qytetar dhe kandidat i pavarur të reagoj me qartësi dhe përgjegjësi.
Kryetar i Komunës, sot dilni në terren dhe drejtoni gishtin kah të tjerët, ndërkohë që realiteti është i pamohueshëm:
• 1 mandat si kryetar në ish-Komunën e Oslomes (4 vite)
• 3 mandate në Komunën e Kërçovës (4+4+4 = 12 vite)
Totali: 16 vite në pushtet lokal.
Kush tjetër ka pasur më shumë kohë, mundësi dhe buxhet për të parandaluar këtë gjendje katastrofike?
Problemet si këto nuk lindin brenda natës, ato vijnë nga vite të tëra neglizhence dhe mungesë vizioni. Në vend që të ndërtohej rrjet i ri uji, u ndërtuan premtime të vjetra.
Të bësh fushatë mbi prishjet që vetë ke lënë pas, nuk është lidership, është ikje nga përgjegjësia.
Unë kandidoj si i pavarur pikërisht për këtë arsye: sepse qytetarëve u ka ardhur në majë të hundës me 16 vite premtime dhe 0 transparencë.
Uji është jetik. Po ashtu është edhe përgjegjësia.
Zgjidhja nuk është tek sulmet ndaj të tjerëve, por te pasqyrimi i të vërtetës dhe rikthimi i besimit në institucion.
/ms
