Kujtim për Qani Mehmedin – BUXHA, Zërin e Paepur të Kombit

Të nderuar miq, dashamirë dhe bashkëpunëtorë,
Më 18 korrik 2025, mbushen 8 vite nga ndarja fizike e të dashurit tonë – babait, bashkëshortit, gjyshit dhe gazetarit emblematik, Qani Mehmedi. Ndonëse nuk është më mes nesh, kujtimi, vepra dhe zëri i tij mbeten të gjallë në çdo skaj të botës shqiptare.

Për ta nderuar me respekt dhe mirënjohje jetën e tij plot përkushtim dhe vlera, ftojmë të gjithë miqtë, të afërmit, kolegët dhe bashkëpunëtorët që të bashkohen me ne në homazhet që do të mbahen në vendprehjen e tij në fshatin Drogomisht i Vogël, në orën 10:00.

Qani Mehmedi nuk ishte thjesht një gazetar – ai ishte një zë që i fliste drejtësisë, të vërtetës dhe interesit mbarëkombëtar. Prandaj, edhe pas ikjes, ai vazhdon të jetojë në zemrat tona si “Buxha” që nuk heshti kurrë.
Me shumë respekt dhe mall të pashuar,
Familja Mehmedi – Drogomisht i Vogël

/tvgurra