Shkodran Alili: Nuk jap premtime – jap garanci me vulë noteri
Kandidati i pavarur për kryetar të Komunës së Kërçovës, z. Shkodran Alili, sjell një risi të pazakontë në politikën lokale:
nuk premton me fjalë, por garanton me dokument noterial.
“Unë nuk kërkoj besim me fjalë, por me veprime të dokumentuara. Programi im do të jetë kontratë publike, jo propagandë,” – thekson Alili.
Ai garanton se çdo pikë e programit do të jetë konkrete, e afatizuar dhe e noterizuar, duke i dhënë qytetarëve besim, qartësi dhe përgjegjësi të matshme.
10 Premtimet Kryesore të z. Shkodran Alili
1. Paga për humanizëm
– Nuk do të mbajë pagën si kryetar. Ajo do të shkojë për ndihma sociale, projekte humanitare dhe transparencë të buxhetit komunal .
2. Spital modern dhe shtëpi për të moshuarit
– Ndërtimi i një spitali me standarde të reja dhe një qendre për të moshuarit, në bashkëpunim me organizata humane.
3. Program i noterizuar dhe i afatizuar
– Çdo premtim firmoset para noteri dhe do të ketë raportim pas realizimit – me afate dhe përgjegjësi të matshme.
4. Zgjidhje për qentë endacakë
– Ky do të jetë projekti i parë që do të nisë menjëherë pas marrjes së mandatit.
5. Dislokimi i kazinove nga qendra
– Për të mbrojtur rininë dhe për të rikthyer moralin dhe qetësinë pranë shkollave dhe institucioneve publike.
6. Rregullimi i shtratit të lumit Treska
– Investim për të shmangur përmbytjet dhe për të përmirësuar infrastrukturën natyrore të qytetit.
7. Zgjidhje për mbeturinat
– Reformë totale në sistemin e menaxhimit të mbetjeve për një qytet më të pastër dhe më të gjelbër.
8. Qytet i sigurt dhe digjital
– Instalimi i kamerave të sigurisë dhe ofrimi i shërbimeve komunale në mënyrë digjitale për qytetarët ,zyre informacoini, infrastruktur rrugore ,zhvillim ekonomik dhe agro turizem.
9. Arsim, sport dhe kulturë
– Shkolla moderne, përkrahje për sportin dhe kulturën, si dhe bursa për nxënës dhe studentë të dalluar.
10. Zyrë e mërgatës
– Krijimi i një strukture zyrtare ku zëri i mërgatës të dëgjohet dhe përfaqësohet në proceset komunale.
/tvgurra
