Kërçova duhet të dali vetëm me një kandidat për kryetar komune..!?

TË NDERUAR QYTETARË TË KËRÇOVËS TË DASHUR KËRÇOVARË,
Meqenëse jemi në prag të përgaditjeve për mbajtjen e zgjedhjeve lokale në Tetor…Ne si kërçovarë jemi të brengosur se:
Çka do të ndodh me Kërçovën tonë në mandatin e radhës?

Me paralajmrimin e daljes në garë të më tepër kandidatëve shqiptarë për të parin e Kërçovës , ku nuk përjashtohet mundësia edhe ndonjë subjekt i nacionalitetit maqedon të nxjerr ndonjë kandidat shqiptar me qëllim të përçarjes së votës shqiptare…

Si intelektual me përvojë, dhe si ish politikan aktiv dhe konstruktiv në Kërçovë, propozoi që të gjithë ata kandidatë shqiptarë që dëshirojnë të kandidojnë për të parin e Komunës së Kërçovës, nga ana e subjekteve shqiptare në vend, ose si të pavarur, të lënë anësh egot e tyre, dhe të anketohen dhe “maten” për Vlerësimin- Rejtingun e tyre nga një organ kompetent i pavarur dhe me relevancë dhe besueshmëri për anketim dhe Ai kandidat i cili del i pari në anketë të garoj si kandidat i vetëm shqiptar për Prefekt të Komunës së Kërçovës, ndërsa të tjerët të tërhiqen dhe të punojnë për një garë të radhës…..

Në këtë mënyrë shmanget shfaqja e “bajraktarizmit”, shmanget përçarja e votës shqiptare dhe nominohet kandidati i duhur, më i mirë i mundshëm dhe më i pëlqyer për momentin që flasim. Në këtë mënyrë nuk ju lëmë hapsirë eksperimentimeve me ndjenjat dhe pritshmëritë e qytetarëve…

Ne Kërçovën e duam pa rezervë, qoftë si qytetarë rezident që jemi, qoftë edhe si mërgimtarë që shpesh na ndodh të jemi. Prandaj, duam që Kërçova të jetë në duar të sigurta. Të udhëhiqet nga njeriu që do të dij ta duaj e ta ruaj dhe zhvilloj gjithnjë e më shumë, për të gjithë qytetarët e saj pa dallime, deri sa të ngjajë me një metropol!
Me respekt për Kërçovën dhe kërçovarët,
Shkruan M-r ing. Isein Ajdari
05 Korrik, 2025 Kërçovë

/kercova.net