URIME: Talenti kërçovar Destan Adili nënshkruan me KF Shkëndija 77!
KF Shkëndija 77 nga Haracina ka zyrtarizuar përforcimin e radhës për sezonin e ri, duke arritur marrëveshje njëvjeçare me sulmuesin e ri premtues nga Kërçova, Destan Adili (19 vjeç).
Adili vjen nga një eksperiencë e vlefshme me disa klube si Rabotniçki U19, Pobeda, Voska Sport dhe së fundmi Vardar Negotino, ku ka treguar potencial të lartë dhe vazhdimësi në paraqitje.
Ky talent kërçovar ka lënë gjurmë edhe në arenën ndërkombëtare, duke qenë pjesë e Kombëtares U17 të Maqedonisë së Veriut, ku debutoi në mënyrë mbresëlënëse me një gol ndaj Maltës.
Kalimi te Shkëndija 77 pritet të jetë një hap i rëndësishëm në zhvillimin e tij profesional, ndërsa vetë klubi beson se Adili do të sjellë freski, dinamizëm dhe efikasitet në repartin ofensiv. Suksese për Destanin në aventurën e re – Kërçova është krenare me ty!
/tvgurra
