Në Kërçovë filluan me punë një pjesë e madhe e objekteve të hotelerisë
![Në Kërçovë filluan me punë një pjesë e madhe e objekteve të hotelerisë](https://kercova.net/wp-content/uploads/2020/05/cacevci.jpg)
Kur edhe zyrtarisht erdhi informacioni për hapjen e objekteve të hotelerisë të cilat i plotësojnë kushtet sipas rekomandimeve të Qeverisë, gjegjësisht protokollin e punës, shumica e pronarëve të lokaleve tashmë i kanë përgatitur objektet e tyre dhe të gatshëm e pritën momentin për vazhdimin me punë.
U krye dezinfektimi i plotë i hapësirës, inventarit dhe paketimit me të cilin disponojnë, disa nga hotelierët edhe i rinovuan ambientet e tyre të hotelerisë dhe mirëpritën mysafirët e parë.
Qytetarët, si dhe hotelierët, gjithashtu pa durim e prisnin fillimin e punës në objektet e hotelerisë në Kërçovë.
“Me këtë protokoll gjegjësisht me këto kushte, ne jemi duke punuar praktikisht me një të tretën e kapacitetit që kemi, me këtë vëllim të punës nuk mund t’i paguajmë shpenzimet dhe tani nuk na mbetet gjë tjetër veçse të shpresojmë për kohë më të mira, thotë pronari i një objekti hotelierik i vendosur në bulevardin “Çlirimi” në Kërçovë.
ls/ab/aktuale