Kërçovë: Tabloja e fotografimit të semi-maturantëve – Shkolla Fillore “Sande Shterioski” (FOTO)

Në një atmosferë festive dhe emocionuese, sot përfundoi viti shkollor dhe semi-maturantët e Shkollës Fillore “Sande Shterioski” realizuan fotografinë e përbashkët të gjeneratës së tyre – një simbol i përmbylljes së ciklit të arsimit fillor dhe fillimit të një kapitulli të ri në jetën e tyre.

Kjo shkollë përfaqëson një model të shkëlqyer të bashkëjetesës dhe respektit ndërmjet komuniteteve, pasi është një institucion multietnik dhe multigjuhësor, ku mësimi zhvillohet në tre gjuhë. Këtë vit, klasën e nëntë e përfunduan:
3 paralele në gjuhën shqipe
4 paralele në gjuhën maqedonase
2 paralele në gjuhën turke

Në fotografinë e përbashkët u reflektuan buzëqeshja, krenaria dhe larmia kulturore, duke e bërë këtë moment të paharrueshëm. Të gjithë nxënësit, pavarësisht prejardhjes apo gjuhës, ndanë një moment uniteti dhe shprese për të ardhmen, duke dëshmuar se arsimimi cilësor dhe harmonia ndërmjet komuniteteve janë çelësi për një të ardhme më të mirë për të gjithë.

Urime gjeneratës së vitit 2025!
Suksese në rrugëtimin tuaj të mëtejmë arsimor!

FOTO:

/tvgurra