Dehari: Le të bëhen sondazhe me më shumë njerëz, të kandidojë më i miri për kryetar të Kërçovës!

Lidhur me përzgjedhjen partiake për kryetar të Komunës së Kërçovës, kryetari aktual Fatmir Dehari, në emisoin CLick Plus në TV21 tha se me kryetarin Ahmeti nuk e ka hapur temën e kryetarit të Komunës përfshirë dhe veten e tij.

Dehari sugjeron që të bëhen sondazhe ku të përfshihen më shumë komunitete, përfshirë dhe sektorin civil që të kandidojë më i mirë.
“Unë kam thënë, Kërçova nuk është fontan dëshirash e individëve, kush do qoftë ai, nisur nga unë Fatmir Dehari, unë dua të kandidohem, unë jam më i miri, unë jam bamirësi.

Kërçova është vullnet i shumicës së qytetarëve të saj. Sot kemi mundësi matjesh dhe kemi mundësi për të parë se ku qëndrojmë ne të gjithë.
Në asnjë moment për tre mandate, në asnjë moment, le të më demantoj nisur edhe nga kryetari i respektuar z.Ahmeti kurrë nuk e hap temën e kryetarit të Komunës së Kërçovës duke përfshirë veten time.

Le të bëhen sondazhet, le të bëhen matjet, le të përfshihen më shumë njerëz, intelektual, bamirës, politik, nga sektori civil po edhe nga diaspora dhe le të dali ai që gëzon mbështetje me të madhe të qytetarëve”, tha Fatmir Dehari në Click Plus.

/tvkoha