Maqedoni: Qytetarët të pakënaqur me çmimet në markete..!

Çmimet e produkteve ushqimore le të publikohen nëpër ueb faqe të marketeve siç ka propozuar Qeveria, por le të publikohen çmimet reale. Kështu thonë qytetarët, të cilët vazhdojnë të ankohen për rritjen enorme të çmimeve nëpër markete. Sipas konsumatorëve kufizimi i marzhës për 10% nuk është i mjaftueshëm.

Ankesave të qytetarëve Qeveria iu përgjigj me një sërë masash të reja të cilat po shqyrtohen – si kufizim në marzhet tregtare për 10% deri më 30 prill dhe në tavolinë është gjithashtu ideja për të futur një “shportë shtesë” të produkteve bazë me çmime më të ulëta, si dhe publikimi i çmimeve në uebfaqet e marketeve.

Oda e Tregtarëve sot zhvilloi takim me përfaqësues të Qeverisë, ndërsa bisedimet do të vazhdojnë edhe nesër. Sipas tyre, kufizimi i marzhit në maksimum 10% do të ndikojë seriozisht në likuiditetin dhe mbijetesën e 86 kompanive me mbi 4.500 punonjës.

“Me një marzh bruto 10% nuk mund të mbulojmë kostot operative, të cilat variojnë nga 15-20%. Si Dhomë e Tregtisë e sfidojmë këtë vendim për kufizimin e marzheve në 10 për qind në tërësi dhe kërkojmë urgjentisht të gjendet një zgjidhje e përbashkët për këtë situatë. Në të njëjtën kohë, do të na duhet të marrim vendime kufizuese, të tilla si shkarkimi i punonjësve tanë, si dhe ristrukturimi dhe mbyllja e dyqaneve”, thonë nga Oda e Tregtarëve.

Të dhënat e Konfederatës së Sindikatave të Maqedonisë tregojnë se shpenzimet minimale bazë në janar janë rritur për 391 denarë në krahasim me muajin paraprak.

/tv21