Kërçovë, një këmbësor ka humbur jetën pasi është goditur me veturë..!
Ministria e Punëve të brendshme kumtoi se mbrëmë një këmbësor është goditur nga një veturë në rrugën rajonale në afërsi të fshatit Kolibar të Kërçovës, shkruan Portalb.mk.
“Me datë 11.02.2025 në ora 23:15 në Stacionin Policor Kërçovë është raportuar se në rrugën kryesore Gostivar – Kërçovë, në kryqëzimin për fshatin Kolibar, rajoni i Kërçovës, automjeti “Renault Megane” me targa të Kërçovës, i drejtuar nga R.I. (66) nga fshati Drogomisht i madh, rajoni i Kërçovës, ka goditur këmbësorin I.A (66) nga i njëjti fshat”, njoftojnë nga policia.
Nga plagët e marra këmbësori I.A. ka ndërruar jetë në vendngjarje, ndërsa mjeku i urgjencës ka konstatuar vdekjen e tij.
Një ekip nga Drejtoria e Punëve të Brendshme të Kërçovës ka kryer kontroll dhe me urdhër të prokurorit publik, trupi i pajetë i të ndjerit është dorëzuar për autopsi.
/portalb
