Taravari: Do të shkarkohen drejtorët e dobët

Ministri i Shëndetësisë, Arben Taravari, paralajmëroi shkarkime të tjera të drejtorëve në ndonjë institucion të shëndetit publik. “Do të ndërrojmë edhe ndonjë drejtor. Tani për tani janë ndërruar dy drejtorë, në ‘Kozle’ dhe në Spitalin e përgjithshëm në Gostivar, u përgjigj ministri në pyetjen e gazetarëve, pas inaugurimit zyrtar të stacionit kompresor për klinikat kirurgjike.

Para gazetarëve, Taravari ka thënë se ndërtimi i Qendrës së re Klinike nuk do të nis këtë vit dhe se nuk ka një plan të tillë. “Për vitin 2026 do të flasim dhe do t’ju themi diçka konkrete”, tha Taravari.

Duke iu përgjigjur pyetjes së gazetarëve për spitalin në Shtip, Taravari tha se jo vetëm ai, por të gjitha spitalet kanë mbetur ashtu siç kanë qenë. Ai shprehu shpresën se pas qershorit do të fillojë një projekt i rinovimit, gjegjësisht spitaleve të reja në Shtip dhe Kërçovë. “Tani po të thosha se do t’i bëjmë menjëherë, kjo do të ishte e pamundur. Këtë vit, ne po planifikojmë të hapim katër spitale për të filluar. Strumicë, ‘Shën Erasmus’, Kërçovë, Shtip. Këto janë në planet tona për këtë vit, duke përfshirë renovimin e departamenteve këtu në Klinike, por edhe në spitale të tjera”, u përgjigj ai kur u pyet kur mund të priten përmirësime të kushteve.

Ministri tha se është optimist se së paku ai në Strumicë dhe “Shën Erazmus” do të përfundojë deri në fund të këtij viti dhe se spitalet e reja në Shtip dhe Kërçovë do të jenë gati për të paktën dy vjet.I pyetur për koment për njoftimin se Inspektorati Shtetëror do të padisë Klinikën e Fëmijëve, ai u përgjigj se nuk do ta bëjë, “nëse mendojnë se duhet të padisë, le të padisë”.

Ndryshe, Ministria e Shëndetësisë më 4 shkurt e shkarkoi drejtoreshën e Klinikës universitare për sëmundje respiratore të fëmijëve – “Kozle”.”Ministria e Shëndetësisë informoi se drejtoreshë e re e Klinikës universitare për sëmundje respiratore tek fëmijët – ‘Kozle’ është emëruar prof. dr. Katerina Boshkovska, e cila mbi njëzet vite është pjesë e ekipit të këtij institucioni.

Dr. Boshkovska është subspecialiste e pulmologjisë pediatrike. Në kuadër të veprimtarisë mësimore-arsimore është e përfshirë në aktivitetet e katedrën pranë USHCM-së edhe në pesë vitet e fundit ka publikuar numër të madh punimesh shkencore. Ministria e falënderoi për angazhimin e deritanishëm të drejtores së kaluar, dr. Karolina Simonovska”, u cek në kumtesë.

/koha.mk