Dr. Fauci me lajme të mëdha për vaksinat kundër Covid-19

Dr. Fauci, drejtori i Institutit Kombëtar të Alergjisë dhe Sëmundjeve Infektive në SHBA (NIH), dha fjalë shpresëdhënëse në raport me vaksinat, derisa paralajmëroi se ri-hapja e ekonomisë amerikane herët mund të çojë në “vuajtje dhe vdekje të panevojshme, raporton NY Times, transmeton lajmi.net.

Përgjatë dëshmisë së tij para Komitetit të Shëndetit, Edukimit dhe Punës së Senatit, Fauci tha se shkencëtarët tashmë janë duke testuar vaksinat dhe janë në fazën e testimit klinik, përkatësisht afër kalimit në fazën e dytë këtë verë.

“Nëse kemi sukses, shpresojmë se vaksinat mund të jenë në dispozicion në vjeshtën e vonë ose dimrin e hershëm”, u shpreh ai.

Ai gjithashtu tha se ka shumë vaksina që janë në fazat testuese.

“Ka të paktën tetë vaksina kundër COVID-19 që janë në fazën e zhvillimit klinik. NIH ka bashkëpunuar me një numër të kompanive farmaceutike në faza të ndryshme të zhvillimit”, vuri në dukje Fauci.

Fauci dhe mjekët e tjerë të lartë të qeverisë po dëshmojnë vazhdimisht lidhur me koronavirusin në përgjithësi.

/Lajmi.net/