Arrestohet ish-ministrja turke e Erdogait ! Ja pse ?

Ish-ministrja turke e Familjes dhe Politikës Sociale, Fatma Betül Sayan Kaya, është arrestuar në kuadër të një hetimi për transaksione në tregun e kapitalit, nën dyshimin për shkelje të Ligjit për Tregjet e Kapitalit dhe anëtarësim në organizatë kriminale, njoftoi sot Prokuroria në Stamboll, përcjell TV21. Kaya dyshohet se ka poseduar informacione që mund të ndikonin në çmimin e aksioneve të kompanisë “Özata Denizcilik”.

Ajo kishte blerë aksione të kësaj kompanie në muajin prill, ndërsa i kishte shitur më 16 shtator, një ditë para vendimit për likuidimin e fondeve.

Prokuroria dyshon se Kaya kishte pasur informacione paraprake për likuidimin e pritshëm dhe se aksionet i kishte transferuar te kompania “Tera Yatırım Menkul Değerler”, e cila ia kishte paguar vlerën e tyre po atë ditë, në vend që pagesa të bëhej brenda dy ditëve të punës.

Ndërkohë, ish-kryetari i Bordit të Tregjeve të Kapitalit, Ibrahim Ömer Gönül, dhe Ilyas Kaya janë liruar me masa të mbikëqyrjes gjyqësore, të cilat përfshijnë paraqitje të rregullta para autoriteteve dhe ndalim të udhëtimit jashtë vendit.

Fatma Betül Sayan Kaya ishte ministre nga viti 2016 deri në vitin 2018, ndërsa më pas deputete. Ajo gjithashtu ka qenë nënkryetare e Partisë për Drejtësi dhe Zhvillim (AKP), në pushtet në Turqi. Në fund të shtatorit, ajo dha dorëheqje nga funksioni partiak pas akuzave për keqpërdorime financiare.

/tv21