Kërçovë: Rrugët e lagjes Biçincë në gjendje të mjerushme ! (VIDEO)
Në Biçincë të Kërçovës banorët kërkojnë asfaltimin apo sanimin e rrugës që është vetëm 70 metra, kjo sepse rruga para një viti është prishur për shkak të punimeve të kanalizimit.
Banorët ishin mbledhur për ta sanuar rrugën me rërë, pasi që siç thonë, çdo ditë dëmtojnë veturat e tyre. Kërkojnë nga komuna të marr masa.
“Problem kemi me rrugën, kemi bërë kërkesë tek komuna, tek kryetari i qytetit që të rregullohet rruga siç e patë edhe ju, sepse i shkatërruam makinat. Kemi bërë me shkrim kërkesë që të na pranojë dhe t’ia tregojmë rastin se çfarë halli kemi ne banorët dhe nuk kemi përgjigje”
“Ne si bashkësi lokale e Biçincës jemi shumë të uzurpuar për infrastrukturën, veçanërisht ky rasti me kanalizimin është bërë projekti dhe e kanë huq. Para një viti kemi bërë kërkesë që të asfaltohet rruga, por na e lanë kështu dhe ne me vetë iniciativë siç e shihni po i sanojmë këto rrugë”.
Për këtë TV21 kërkoi qëndrim nga Komuna e Kërçovës dhe nga atje premtuan se rruga do të rregullohet së shpejti.
“Rruga për të cilën po flisni do të rregullohet së shpejti, ajo është lënë ashtu sepse aty ka kaluar rrejti i kanalizimit dhe janë zhvilluar punimet, por sapo koha të na premtojë, do ta rregullojmë rrugën. Gjithashtu kemi në plan edhe asfaltimin e rrugës së vjetër nga Biçinca në Bigor Dolenc”, tha Fatmir Dehari
Dehari tha se ditën e nesërme ka planifikuar një takim me banorët për të dëgjuar hallet dhe problemet e tyre dhe për tu treguar planin për ndërtimin e rrugëve.
VIDEO:
/tv21
