Lëvizja BESA – Kërçovë themelon nëndegën në fshatin Greshnicë (FOTO)

Në një moment të rëndësishëm dhe jetik për familjet, rininë dhe të ardhmen e vendit, krijojmë strukturat e Lëvizjes BESA, të cilat operojnë nën “hijen” e platformës së strukturës së përbashkët të VLEN-it.

Lëvizja BESA bëri edhe hapin e radhës në zgjerimin dhe konsolidimin e strukturave të saj me themelimin e nëndegës lokale. Ky zhvillim i rëndësishëm përfaqëson organizim politik dhe një angazhim të fuqishëm për të forcuar lidhjet midis banorëve dhe forcës politike që përfaqëson aspiratat si strukturë.

Në një atmosferë të ngrohtë dhe frymëzuese, ku morën pjesë drejtues të lartë të Lëvizjes BESA dhe një numër i madh banorësh të fshatit dhe rrethinave, u miratuan anëtarët e Kuvendit të Nëndegës dhe struktura udhëheqëse.

Fokusi i fjalimeve ishte përkushtimi i strukturave për të qenë pranë qytetarëve, duke parandaluar largimin e rinisë nga vendi. Që sonte, të gjitha strukturat janë në shërbim të grumbullimit të fletëanëtarësimeve, për të pasuruar “datotekën” me informacione mbi përgatitjen shkollore, e cila do të shërbejë në sistematizimin e tyre në pozita adekuate pune.

Parimet bazë mbeten: drejtësia, barazia dhe zhvillimi i qëndrueshëm, duke garantuar se përmes kësaj nëndege do të nxiten projekte konkrete në fushat kryesore si punësimi, infrastruktura, arsimi dhe, mbi të gjitha, kyçja e rinisë në hartimin e politikave të përbashkëta.

Kryesia e Re e Nëndegës
Në këtë event, u prezantua edhe kryesia e Nëndegës së Lëvizjes BESA:
● Kryetar:
Muamet Lushku (i diplomuar në Shkencat Politike)
● Nënkryetar:
Kastriot Ramadani (inxhinier i Informatikës)

● Sekretar:
Luan Sadiku (student i Shkencave Kompjuterike)
● Arkëtare:
Bukurije Alimi

Kryetari i sapozgjedhur i Nëndegës, në fjalën e tij falënderuese, premtoi se do të jetë zëri i fuqishëm për komunitetin, duke punuar ngushtë me strukturat e partisë dhe me qytetarët për të adresuar sfidat dhe për të shfrytëzuar mundësitë që ofron zona.

Themelimi i nëndegës së Lëvizjes BESA në Greshnicë dëshmon përkushtimin e Lëvizjes për të qenë pranë qytetarëve jo vetëm gjatë zgjedhjeve, por në çdo ditë dhe çdo hap të jetës së tyre.

FOTO:

/ms