Shkodran Alili, Kastriot Iseini dhe Muhamed Sejdini bëhen bashkë për të ndihmuar

Të nderuar bashkëvendas të Fshatit Drogomishi Madh, ju miq e dashamirë,
Sot patëm një takim të veçantë, ku në emër të gjithë banorëve të fshatit Drogomisht, shprehim mirënjohjen dhe faleminderimin tonë të thellë për z. Shkodran Alilin, i cili me zemërgjerësinë e tij ka shprehur gatishmërinë për të ndërtuar një shtëpi të re dhe për të rikonstruktuar një tjetër, duke e zgjeruar atë.

Takimi ynë u nderua gjithashtu me prezencën e Z. Kastriot Iseini dhe ish-presidentit të Federatës së Futbollit të Maqedonisë së Veriut, Z Muhamed Sejdini, të cilët e mbështetën këtë iniciativë me praninë dhe mbështetjen e tyre.

Një moment i veçantë i këtij takimi ishte edhe telefonata nga altruisti i njohur i Ballkanit, Hoxhë Halil Kastrati, i cili, me fjalët dhe veprat e tij të paharrueshme, vazhdon të na frymëzojë në rrugën e ndihmës dhe humanizmit.

Faleminderit të gjithëve që u bënë pjesë e këtij misioni fisnik.
Me respekt të veçantë,
Bashkësia Lokale e fshatit Drogomisht