Xhamia në Pllasnicë merr emrin “Ismail Bey”

Në fshatin Pllasnicë u mbajt sot ceremonia e Duasë së Hatmes, ku i pranishëm ishte Myftiu i Kërçovë, Qamil Rushiti. Aktiviteti u organizua nga imami nikoqir Salif Shemoski, me pjesëmarrjen e besimtarëve dhe banorëve të fshatit.

Me këtë rast, Myftiu përgëzoi imamin për përkushtimin e tij në edukimin fetar të fëmijëve dhe brezave të rinj, duke theksuar rëndësinë e dijes dhe misionin fisnik të atyre që e shpërndajnë atë.

Gjatë kësaj dite u bë edhe zyrtarizimi i emrit të xhamisë së re, e cila tashmë do të quhet “Ismail Bey”, emër që lidhet me deputetin e zonës, Ismail Jaoski. Sipas organizatorëve, ai ka financuar ndërtimin e xhamisë dhe vazhdon të mbështesë funksionimin dhe mirëmbajtjen e saj.

Ceremonia u përmbyll me lutje dhe mesazhe falënderimi për të gjithë kontribuuesit e këtij projekti me rëndësi për komunitetin.

/tvgurra