Vodhi disa xhami! Arrestohet 16 vjeçari

Më 19.05.2026 në ora 18:00 në Tetovë, zyrtarët policorë të SPB Tetovë privuan nga liria një të mitur 16-vjeçar nga Tetova, për shkak të ekzistimit të dyshimit të bazuar për kryerjen e veprës penale sipas nenit 236 të Kodit Penal – “vjedhje e rëndë”.

Ai dyshohet se gjatë dy javëve të fundit ka kryer vjedhje në disa xhami, ndërsa herën e fundit në një xhami në rrugën “176” në Tetovë, ku me përdorim force ka thyer kasafortën metalike të donacioneve dhe prej saj ka marrë para.

I njëjti është ndaluar në stacion policor, është njoftuar prokurori publik dhe pas dokumentimit të rastit do të pasojë kallëzimi përkatës.

/ms