Vera në rrezik, mungon karburanti për avionët ?
Kriza në Lindjen e Mesme po ndikon edhe në aviacion: mungesa e kerozinës po prek disa aeroporte italiane dhe po rrit pasigurinë për udhëtimet verore.
Në Brindisi ka furnizim shumë të kufizuar, vetëm për fluturime emergjente, ndërsa kufizime janë raportuar edhe në aeroporte të tjera si Milano Linate, Venecia, Treviso dhe Bolonja.
Shkaku lidhet me tensionet në Ngushticën e Hormuzit dhe rritjen sezonale të trafikut. Evropa importon rreth 30% të karburantit për avionë, ndaj çdo ndërprerje ndikon drejtpërdrejt.
Si pasojë, priten çmime më të larta të fluturimeve dhe paketa turistike më të shtrenjta, duke vënë në rrezik sezonin veror.
/ms
