Vazhdon tradita humanitare në Kërçovë – mbi 240 kurbane për familjet në nevojë

Në prag të festës së Kurban Bajramit, vazhdon tradita e solidaritetit dhe humanizmit në Kërçovë. Shoqata Jetimat e Ballkanit ka siguruar 200 kurbane, ndërsa pjesa tjetër është siguruar përmes donatorëve dhe bamirësve vendas.

Në bashkëpunim me Lëvizja Qytetare TE BRRZA, do të realizohet shpërndarja e mbi 240 kurbaneve për familjet dhe personat në nevojë në Kërçovë.

Ky aksion humanitar synon të sjellë gëzim, mbështetje dhe solidaritet për familjet që kanë më shumë nevojë gjatë ditëve të festës, duke dëshmuar edhe një herë vlerat e humanizmit dhe kujdesit ndaj njëri-tjetrit.

Organizatorët theksojnë se tradita e ndihmës dhe përkrahjes për shtresat në nevojë do të vazhdojë edhe në të ardhmen, me synimin që asnjë familje të mos mbetet pa mbështetje gjatë festave të Bajramit.

/tvgurra