Urime: Sukses i dyfishtë që nderon Kërçovën – motrat Mustafa diplomohen njëkohësisht si specialiste në gjinekologji–obstetrikë

Një arritje e rrallë dhe tejet domethënëse vjen nga Kërçova. Dy motrat, Blerina dhe Blerta Mustafa nga fshati Shitovë, kanë kurorëzuar me sukses një rrugëtim të gjatë akademik, duke u diplomuar në të njëjtën ditë dhe duke fituar titullin specialiste në fushën e gjinekologjisë–obstetrikës, në Maternitetin “Mbretëresha Xheraldinë”, pranë Fakultetit të Mjekësisë në Tiranë.

Ky sukses i dyfishtë përfaqëson jo vetëm një arritje personale të jashtëzakonshme, por edhe një krenari të madhe për familjen, vendlindjen dhe mbarë trevën shqiptare. Blerina dhe Blerta janë bijat e gjinekologut të njohur, Dr. Adil Mustafa, duke dëshmuar se përkushtimi ndaj profesionit fisnik të mjekësisë vijon si një traditë e vyer familjare.

Historia e tyre është një shembull frymëzues i punës, disiplinës dhe sakrificës, që i inkurajon të rinjtë të ndjekin dijen dhe të synojnë majat e suksesit.
Urimet më të përzemërta për Blerinën dhe Blertën – shëndet, lumturi dhe suksese të vazhdueshme në misionin e tyre fisnik në shërbim të jetës!

/tvgurra