U mbajt sesioni i parë i Forumit në Komunën e Kërçovës

Sot, në sallën e Këshillit të Komunës së Kërçovës, u mbajt Sesioni i Parë i Forumit në kuadër të projektit „Fuqizimi i këshillave komunalë – faza 2“.
Në sesionin e forumit morën pjesë qytetarë të interesuar, përfaqësues të shoqatave, institucioneve, kompanive dhe personave të tjerë juridikë, të cilët përmes pjesëmarrjes aktive patën mundësi t’i paraqesin qëndrimet, propozimet dhe idetë e tyre për përmirësimin e kushteve të jetesës në bashkësinë lokale.

Forumet në bashkësi paraqesin një mekanizëm të rëndësishëm për përfshirjen e drejtpërdrejtë të qytetarëve në procesin e identifikimit të nevojave lokale, propozimit të zgjidhjeve dhe krijimit të ideve cilësore projektuese me interes publik.

Gjatë sesionit të sotëm, pjesëmarrësit diskutuan për sfidat dhe nevojat e Komunës së Kërçovës dhe përzgjodhën fushën prioritare, në kuadër të së cilës do të përgatiten propozimet e ardhshme projektuese. Në sesionet e ardhshme të forumit do të përpunohen disa ide projektuese, pas së cilës pjesëmarrësit do të përzgjedhin një projekt prioritar, i cili do të realizohet përmes fondit projektues të programit, me bashkëfinancim nga Komuna e Kërçovës.

Kryetari i Komunës së Kërçovës, Dr. Aleksandar Jovanovski, dhe kryetari i Këshillit, Ajhan Sulkovski, përshëndetën pjesëmarrjen aktive të të pranishmëve, duke theksuar se bashkëpunimi ndërmjet vetëqeverisjes lokale dhe qytetarëve është me rëndësi thelbësore për krijimin e zgjidhjeve të qëndrueshme dhe cilësore, të cilat do t’u përgjigjen nevojave reale të bashkësisë.

Komuna e Kërçovës i falënderon të gjithë pjesëmarrësit për praninë e tyre, diskutimet konstruktive dhe gatishmërinë për të kontribuar në mënyrë aktive në zhvillimin e komunës sonë.
Projekti „Fuqizimi i këshillave komunalë – faza 2“ financohet nga Qeveria e Zvicrës dhe Ministria e Vetëqeverisjes Lokale, ndërsa bashkëfinancohet dhe zbatohet nga Programi i Kombeve të Bashkuara për Zhvillim – UNDP, në bashkëpunim me partnerë kombëtarë dhe lokalë.

/ms