U mbajt sesioni i dytë i forumit në Komunën e Kërçovës

Sot, më 27 gusht 2026, në Kërçovë u mbajt me sukses sesioni i dytë i forumit në kuadër të procesit „Forumet në komunitet“, ku qytetarët, përfaqësuesit e vetëqeverisjes lokale, institucioneve dhe sektorit civil punuan së bashku në zhvillimin e ideve konkrete të projekteve për përmirësimin e kushteve të jetesës në Komunën e Kërçovës.

Në kuadër të sesionit u shqyrtuan dhe u përpunuan më tej disa propozim-koncepte që dolën nga nevojat dhe propozimet e qytetarëve. Ndër to ishin: rregullimi i hapësirës publike ndërmjet Komunës së Kërçovës dhe Fakultetit Juridik, rregullimi dhe përmirësimi i parqeve për fëmijë në qytet dhe në zonat rurale, rregullimi dhe shënjimi i shtigjeve malore dhe të biçikletave, si dhe rivitalizimi i hapësirës përreth liqenit artificial në afërsi të fshatit dhe TEC Osllomej.

Gjithashtu, pjesëmarrësit zhvilluan ide për krijimin e një parku solar me një eko-klasë edukative në Kitino Kale, hapjen e një Qendre Rinore (Youth Hub), ndërsa u zhvilluan edhe aktivitete për pajisjen e një laboratori për mësim praktik, i cili do të shfrytëzohet nga të dyja shkollat e mesme në Kërçovë, Mirko Mileski dhe Drita.

Përmes diskutimit të përbashkët dhe pjesëmarrjes aktive, idetë e propozuara u përpunuan më tej, duke i përcaktuar problemet, qëllimet, përfituesit, zgjidhjet e mundshme dhe partnerët potencialë për realizimin e tyre.

Falënderim për të gjithë qytetarët dhe përfaqësuesit e institucioneve dhe organizatave që morën pjesë në mënyrë aktive dhe kontribuuan me idetë, propozimet dhe vizionet e tyre për një Kërçovë më të mirë!

Forumet në komunitet realizohen në kuadër të programit „Fuqizimi i këshillave komunalë – faza 2“, i financuar nga Qeveria e Zvicrës dhe Ministria e Vetëqeverisjes Lokale, ndërsa bashkëfinancohet dhe zbatohet nga UNDP-ja në bashkëpunim me partnerët kombëtarë dhe lokalë.

/ms