Turqia ashpërson tonet ndaj Ramës, e akuzon për pazare me Izraelin ?

Mediat turke po ashpërsojnë kritikat ndaj Edi Ramës, duke e lidhur afrimin e tij me Izraelin me tensionet e fundit në Shqipëri. Sipas një analize të gazetës turke “Daily Sabah”, Shqipëria po bëhet pjesë e zgjerimit të ndikimit izraelit në Ballkan, përmes bashkëpunimit në siguri, mbrojtje dhe investime strategjike, përfshirë projektin e Jared Kushner në Sazan.

Artikulli sugjeron se mbështetja e hapur e Ramës për Izraelin dhe deklaratat e tij në Knesset kanë shkaktuar pakënaqësi të brendshme dhe kanë ftohur marrëdhëniet me Ankaranë.

Toni kritik i medias turke shihet si sinjal se mbështetja që Rama ka gëzuar prej vitesh në Turqi nuk konsiderohet më e pakushtëzuar.

/ ms