Tragjedi në Kërçovë: Nga zjarri u dogj një banesë. Jozyrtarisht, flakët morën jetën e një Personi!

Pak çaste më parë, opinioni në Kërçovë u trondit nga një tragjedi e rëndë. Sipas informacioneve fillestare, në një banesë të vendosur në kompleksin e banesave “Lamellat”, në rrugën “4 Korriku”, për arsye që të pa sqaruar për publikun, ka shpërthyer një zjarr në katin e fundit të ndërtesës.

Sipas burimeve jozyrtare, dyshohet se ka një viktimë, përkatësisht pronari i banesës, i cili ndodhej brenda në momentin e zjarrit dhe, sipas këtyre informacioneve ende të pakonfirmuara, fatkeqësisht nuk ka arritur të dalë.

Ajo që dihet me siguri është se ekipet e Njësisë Territoriale të Zjarrfikësve të Kërçovës, Qendrës Mjekësore dhe SPB Kërçovë kanë mbërritur menjëherë në vendin e ngjarjes, ndërsa zjarrfikësit kanë arritur ta vënë zjarrin nën kontroll.

Më shumë informacione lidhur me këtë ngjarje tragjike dhe konfirmimin zyrtar të rrethanave priten gjatë ditës së nesërme nga MPB Ohër.

/porta.mk