Tani a është koha më e mirë për të blerë ar! Ja pse ?

Lëvizjet e fundit të çmimit të arit në tregjet ndërkombëtare kanë rikthyer vëmendjen e investitorëve dhe të qytetarëve që kërkojnë alternativa për ruajtjen e kursimeve të tyre. Për Helvetia Gold në Cyrih, periudhat kur çmimi pëson korrigjime mund të krijojnë mundësi interesante për ata që e shohin arin si investim afatgjatë.

Ari vazhdon të konsiderohet një prej aseteve tradicionale për ruajtjen e vlerës, veçanërisht në periudha të karakterizuara nga inflacioni, pasiguritë ekonomike dhe luhatjet në tregjet financiare.

Sipas Marjana Shpanit nga Helvetia Gold, vendimi për të investuar në ar duhet të shihet në një perspektivë më të gjatë dhe jo vetëm përmes ndryshimeve ditore të çmimit.

“Historikisht, momentet kur çmimi i arit korrigjohet kanë krijuar mundësi për blerje. Për personat që mendojnë për një investim afatgjatë, është me rëndësi të analizojnë tregun dhe të marrin vendimin në bazë të objektivave dhe mundësive të tyre financiare”, thotë Marjana Shpani.

Këshillimi para investimit
Helvetia Gold, me seli në Bahnhofstrasse në Cyrih, ofron shufra ari, monedha investimi, bizhuteri, diamante dhe orë të markave të njohura. Krahas shitjes, kompania e vendos theksin edhe te këshillimi individual i klientëve.

“Ne nuk duam të jemi vetëm një pikë ku klienti vjen dhe blen ar. Synimi ynë është ta këshillojmë atë dhe t’i shpjegojmë mundësitë që ka, në mënyrë që vendimi për investim të jetë sa më i informuar dhe i përshtatur me buxhetin e tij”, shprehet Shpani.

Sipas saj, transparenca është veçanërisht e rëndësishme kur bëhet fjalë për investimet në metale të çmuara.
“Klientët duan të dinë çfarë po blejnë, me çfarë çmimi dhe çfarë vlere ka produkti që zgjedhin. Prandaj ne ndjekim vazhdimisht zhvillimet në tregjet ndërkombëtare dhe mundohemi që informacionin t’ua përcjellim klientëve në mënyrë të kuptueshme dhe transparente”, shton ajo.

Nga shufrat e arit te monedhat e investimit
Në ofertën e Helvetia Gold përfshihen shufra ari nga 1 gram deri në 1 kilogram, si dhe monedha investimi nga Zvicra, Austria, Turqia dhe vende të tjera.

Kompania ofron gjithashtu bizhuteri ari 14K dhe 18K, diamante natyrale dhe Lab Grown, si dhe orë origjinale të markave të njohura.
Për Shpanin, interesi për arin lidhet edhe me dëshirën e njerëzve për të diversifikuar mënyrën se si i ruajnë kursimet e tyre.

“Në kohët kur tregu krijon mundësi, vendimet e menduara mirë mund të bëjnë diferencën. Ari është një formë investimi që shumë njerëz e konsiderojnë pikërisht për perspektivën afatgjatë”, përfundon Marjana Shpani nga Helvetia Gold.

/albinfo