Sulmohet polici pas ndalimit të “Audi A6”, tre persona përfundojnë në stacion !

Një kontroll rutinë trafiku është shndërruar në incident serioz në rrugën rajonale Tetovë-Gostivar, ku një person ka sulmuar fizikisht zyrtarin policor.
Tetovasot mëson se më 19.05.2026 rreth orës 22:30, policia e Kamenjanit ka ndaluar një automjet “Audi A6” me targa të Tetovës në afërsi të fshatit Pallçisht i Poshtëm.

Shoferi N.M.(27) nga fshati Siniçan ka refuzuar të japë dokumentet për kontroll, pas së cilës është shoqëruar në stacionin policor. Sipas policisë, ai më pas ka sulmuar fizikisht një zyrtar policor.

Bashkë me të janë shoqëruar edhe dy bashkëudhëtarët S.S.(28) dhe A.A.(35) nga Reçica e Madhe, pasi nuk kanë respektuar urdhrat e policisë dhe kanë refuzuar të paraqesin dokumentet personale.

Tetovasot mëson se të tre personat janë ndaluar dhe pas dokumentimit të rastit ndaj tyre do të ngriten parashtresa përkatëse.

/ts