Si rriten pagat në Zvicër me moshën ?

Pagat në Zvicër janë rritur vazhdimisht dhe në vitin 2024 paga mesatare bruto mujore arriti në 7,024 franga. Sipas një studimi të ri federal, mosha ndikon ndjeshëm në të ardhura: punonjësit nën 30 vjeç fitojnë mesatarisht 5,570 franga, ata 30-49 vjeç 7,288 franga, ndërsa personat mbi 50 vjeç afro 8,000 franga në muaj.

Dallimet ndryshojnë sipas sektorëve. Tek drejtuesit e kompanive, paga rritet nga 6,505 në 10,277 franga mes grupmoshave, ndërsa në shitje me pakicë rritja është vetëm rreth 7%.

Studimi tregon gjithashtu se gratë vazhdojnë të paguhen më pak se burrat. Në vitin 2024, diferenca mesatare ishte 8.4%, ndërsa në disa sektorë arrinte deri në 25%. Gratë mbi 50 vjeç shpesh fitojnë më pak se burrat më të rinj në të njëjtin profesion. Mesatarisht, gratë fitojnë 7,135 franga në muaj, ndërsa burrat 7,471 franga.

/albinfo