Shoqata Humanitare Zvicër bashkohet me at të Amerikës

Kryesia e Shoqatës Humanitare Tuhini sot mbajti takimin e radhës. Ky takim konsultativ ishte mjaft pozitiv dhe frytdhënës, ku u shqyrtuan punët e realizuara deri më tani, si dhe projektet dhe aktivitetet që na presin në vazhdim.

Me kënaqësi të veçantë theksojmë se Shoqata Humanitare Tuhini po gjen përkrahje të fuqishme edhe nga bashkëvendësit tanë në SHBA, të cilët i janë bashkuar shoqatës si anëtarë dhe pjesë e kryesisë së përbashkët.

Kjo dëshmon se dashuria për vendlindjen dhe dëshira për të kontribuar nuk njeh kufij.
Ftojmë të gjithë bashkëvendësit tanë nga Tuhini, kudo që jetojnë në diasporë, t’i bashkohen Shoqatës Humanitare Tuhini me seli në Zvicër.

Ky unitet dhe bashkim do të na bëjnë më të fortë, më pranë njëri-tjetrit dhe më të gatshëm për të bashkëpunuar e vepruar së bashku për të mirën e vendlindjes sonë.
Tuhini ka nevojë për bijtë dhe bijat e tij, ashtu siç ne kemi nevojë për njëri-tjetrin.

Të ruajmë traditat, kulturën dhe vlerat tona kombëtare, duke forcuar lidhjet mes nesh dhe duke lënë gjurmë të mira për brezat që vijnë. Vetëm të bashkuar mund të ndërtojmë më shumë, të ndihmojmë më shumë dhe të nderojmë emrin e fshatit tonë me krenari.
Zoti e bekoftë Tuhinin, bashkëvendësit tanë kudo që ndodhen dhe kombin shqiptar! 🇦🇱
Me respekt,�Kryesia e Shoqatës Humanitare Tuhini�Zvicër – USA 🇨🇭🤝🇺🇸🇦🇱

/ms