Pishina e mbyllur në Kërçovë – premtim i harruar apo projekt pa fund?

Premtimi për ndërtimin e pishinës së mbyllur në Kërçovë, i cili në vitin 2020 gëzoi shumë banorë, sot është kthyer në një tjetër projekt të mbetur përgjysmë.
Punimet nisën në vitin 2020 dhe afati i paraparë për përfundimin e objektit ishte 18 muaj.

Por, gjashtë vite më vonë, në gusht të vitit 2026, pishina ende nuk është funksionale. Objekti ka mbetur në fazën karabina, ndërsa hapësirat janë mbushur me mbeturina.
Banorët tashmë pyesin: Ku mbetën premtimet për pishinën e Kërçovës?

A do të përfundojë ky projekt me të njëjtin fat si shumë projekte të tjera të premtuara ndër vite, përfshirë edhe çështjen e ndërtimit të spitalit?
Pishina që dikur shihej si një investim i rëndësishëm për qytetin dhe veçanërisht për fëmijët dhe të rinjtë, sot mbetet një objekt i papërfunduar që pret përgjigje: kur do të përfundojë dhe kur qytetarët e Kërçovës do të mund ta përdorin?

/tvgurra