Shkolla e Mesme „Drita“ në Kërçovë nis vitin shkollor me 8 paralele! Falenderohet kryetari Aleksandar Jovanovski ?

Shkolla e Mesme „Drita“ në Kërçovë e ka nisur vitin e ri shkollor me 8 paralele: 4 në gjimnaz dhe 4 në arsimin profesional. Fillimisht ishin aprovuar 3 paralele gjimnaziale dhe 3 profesionale, ndërsa më pas u siguruan edhe dy paralele shtesë në gjuhën shqipe: gjimnazi i përgjithshëm dhe profili profesional i makinerisë.

Sipas njoftimit të shkollës, realizimi i këtij ndryshimi erdhi pas angazhimit të drejtoreshës Syarta Spahiu dhe mbështetjes institucionale. Në njoftim shprehet mirënjohje edhe për kryetarin e Komunës së Kërçovës, Dr. Aleksandar Jovanovski, për mbështetjen në realizimin e këtij synimi.

Me këtë zgjerim, nxënësit kanë në dispozicion një ofertë më të gjerë për arsimin e mesëm, me mundësi për të zgjedhur ndërmjet profileve gjimnaziale dhe profesionale.

/tvgurra