Për 20 vite gjuha shqipe nuk u zbatua, por u bënë milionerë!! Ja kush e thotë?

Gazetarja dhe publicistja Dijana Toska në emisionin “Rishtazi” në Koha ka drejtuar akuza të ashpra ndaj opozitës shqiptare e cila për vite me radhë nuk arriti ta zgjidhë çështjen e gjuhës shqipe me këtë edhe problemin e provimit të jurisprudencës.

Edhe pse kishte ministra shqiptarë të Drejtësisë dhe të Arsimit, sipas saj, kjo çështje përsëri nuk gjeti zgjidhje, derisa sot prodhon protesta nga ana e studentëve.

“Partitë kanë frikë nga studentët. Atë që është dashur ta bëjnë partitë politike ta zgjidhin provimin e jurisprudencës nuk e kanë bërë. Sa ministra të Drejtësisë kemi pasur, sa ministra të Arsimit kemi pasur? Kjo është zbatueshmëria e Marrëveshjes së Ohrit”, ka thënë Toska.

Duke aluduar përsëri në opozitën, ajo parashtron pyetjen se sa milionerë politikanë prodhoi periudha 20 vjeçare e asaj kohe.

“Askush nuk mund të më bind pse nuk u zbatua në përpikmëri Marrëveshja e Ohrit, ndërsa kaluan 20 vite. Brenda 20 viteve sa milionerë politikanë u bënë brenda asaj partie. Ne si shoqëri nuk e shtrojmë pyetjen se gjuha shqipe nuk po zbatohet, po milionat si i bënë. Pse nuk hiqen këto tema prej rendit të ditës”, ka thënë Toska.

/tetova1