Sulmoi një polic në Strazhë ! Arrestohet shoferi

Më 6 shtator 2026, rreth orës 00:30, në rrugën magjistrale Gostivar–Strazhë, nëpunës policorë të Njësisë për Sigurinë e Komunikacionit Rrugor në Gostivar kanë ndaluar një automjet të udhëtarëve “BMW”, me targa gjermane, të drejtuar nga A.J. (49) nga fshati Shemshovë, në rrethinën e Tetovës.

Sipas njoftimit të policisë, pasi është konstatuar një kundërvajtje në komunikacion, 49-vjeçari ka filluar të sillet në mënyrë agresive dhe ka sulmuar fizikisht një nëpunës policor.

A.J. është privuar nga liria, ndërsa pas dokumentimit të plotë të rastit, ndaj tij do të paraqitet kallëzim penal përkatës.

/ts