Oda Kërçovare fton mërgatën dhe qytetarët më 26 korrik në Kalanë e Kërçovës
Shoqata Kulturore Oda Kërçovare ka ftuar mërgatën dhe të gjithë qytetarët të bëhen pjesë e KËRÇOVA FEST 2026, ngjarjes që do të mbahet më 26 korrik në Kalanë e Kërçovës.
“Mirë se na gjeni në rrugët e Kërçovës. Shihemi më 26 korrik, në Kalanë e Kërçovës, në festën që na bashkon të gjithëve!”, thuhet në mesazhin e organizatorëve.
Sipas Shoqatës Kulturore Oda Kërçovare, festivali synon të bashkojë kërçovarët nga vendlindja dhe diaspora, duke promovuar vlerat kulturore, traditat dhe frymën e unitetit.
Organizatorët premtojnë një atmosferë festive me pjesëmarrje të gjerë, ndërsa motoja e aktivitetit mbetet:
“Me Ju dhe për Ju –
Shoqata Kulturore Oda Kërçovare.”
/ms
